E diela me shkrimtarin e penës së artë:Gëzim Ajgeraj
VERTIKALJA
Ti ece vertikales së atdheut
Andej kah jeta me vdekjen piqeshin çdo ditë
Pa çka se pikëpjekja me ujkun e zi
Ishte fundi i kobit
Ti asnjëherë s’i mbylle dritaret e shpresës
të të mos frymojë më guximi
Përkundrazi, përpara syve të kobit
Shpërndave rrezet e dritës për të nesërmen
S’të theu asnjë furtunë
Ecjes tënde drejt diellit
maj, 2020
