E diela poetike me poeten: Eva KACANJA

 Ka burra që…

—————————-

I kam parë të krekosen si gjelat ndër pendë,

Të mburren për atë,

që kurrë s’e patën të lehtë,

Gjokset leshatore të rrahin me grusht,

Se janë ata,

që ndreqin këtë jetë.

Por i kam parë dhe të zënë ngushtë,

Si fëmijë të përgjërohen me lotët ndër sy,

Përbetuar në gjithçka quajnë më të shtrenjtë,

Se brenda vetes kanë aq dashuri,

Sa për ta dhuruar,

s’u mjafton një jetë.

Ah sa mjeshtërisht e dredhin fjalën,

E kanë në gen,

ashtu si cigaren…

Mëkat t’u thuash grave kurva,

Burrat kurvërojnë njëqind herë më bukur…!

/www.qendrapress.com/