E diela poetike me poeten;-Leonora N. LOKAJ

Presim…

——————–

Dikush pret të çelin lulet

në fustanin e një gruaje

Dikush pret t’ia vizatoj rrugën Zoti,

për të ecur tutje

Dikush pret që të mos i dhemb vetmia,

thjeshtë t’i kaloj

Dikush pret vjeshtat,

të bëhet gjethe e rënë përtoke,

nën këmbët e dikujt…

Dikush pret ta prekë

kujtesën e një burri

Dikush pret fundin e një filmi në Netflix,

ta shoh aktoren që i ngjanë

gruas që i zbriti në shpirt

Dikush pret t’i çelë fati,

edhe pse jeta është bimë e çuditshme

Dikush të vetmen gjë që pret,

është një përqafim

para se ta zë gjumi i vdekjes…

/www.QendraPress.com/