E diela poetike me poeten: Merita PAPARISTO

Gjahtarë iluzionesh

———————————-

Në bregun e qullur të liqenit

cicërimat e trembura, ende nuk kanë ngrirë.

Gjethet kërcëllojnë një këngë të dhimbshme melankolike

nën thundrat e pamëshirshme të këmbëve

Gjahtarë të vetvetes,

zënë pritë pas pemëve

në shtegun përbri kështjellës,

me degët kurorë

shënojnë dhe shtien…

shtien dhe shënojnë,

mbi të njëjtën plagë, pa pushim

derisa ajo të mbetet vetëm një vrimë e madhe

krater pa fund me brinjët larë nga zjarri

ku dritë e kaltër e qiellit

tej për tej të ndriçojë.

Iluzionet janë zogj të brishtë, të trishtë

që duhen vrarë…

/www.qendrapress.com/