E diela poetike me poeten;-Mervete DRAGAJ

– E di për plagët, se me to u linda!

Sot ka diell në qiell

Ka edhe shi

Vetëm stuhi nuk ka.

Retë i kanë tretur

Mbi male dhe mbi det.

E di për plagët

Se me to u linda

Kur ma prangosën jetën

Me shtatë dryna.

U munduan

Të ma zënë dritën e diellit

Edhe pritë në të njëjtën kohë.

Sa lule kanë sjellë pranverën

Duan ngrohtësinë dhe shpirtin

Dhembjet nuk i dua më në jetë.

Sot në qiell ka liri

Ka vetëm buzëqeshje

Dhe shumë dashuri.

Sot

nëse i harrojmë plagët e atdheut

Bëhemi fajtorë si unë, edhe ti.

/www.QendraPress.com/