E diela poetike me poetin;-Mehdi KRASNIQI

DASHURI E RRALLË

——————————————

Të shoh si e shikon shikimin tim ngrirë

 mes qepallash, sy pa fjalë

që djegin si mall i zjarrtë për një puthje

që të rrëmben dhe sërish ta do shpirti

një tjetër puthje më shumë

Të shoh si mbretëreshë me fytyrë engjullore

pjekur në rreze dielli si trëndafil i rrallë

mes luleve të blerta që larg të rrëmbën

si një plumb pushke

që të këputë në pritë dhe rrëzohesh si

një lis i madh e degët të bien larg nga trungu

Ato buzë të kufizuara kujdesshëm nga dorë e mirë,

 seç më flasin heshtur në gjuhë dashurie

seç më trazojnë deri në ashtin e zemrës

dhe lëkura e shpirtit seç më rrëqethet shpejt

e me thotë mendja

të vdeksha në dorë

ose në prehër

ose në gji

Ose duke të shikuar në sy…

/www.QendraPress.com/