E diela poetike me poetin;-Skender BERISHA
NA BRENË MALLI NA BRENË
Luftëtarit të paepur,Cenë Aliçkaj
——————————————
Ti Cenë prej më të mirit vend
Që e deshe sa shumë lirinë
Sa me zemër e ndoqe
Që në fillim
Prej shtegu në shteg
Ish mot i mirë a me suferinë
Zemër që rrihte
Për Dardaninë
Prej dite në ditë shtohej dashuria
Kur flisje ti
Ndër flakë të shpirtit
Prej cepi në cep lidhej Shqipëria
Ndër shokë ti pa përtesë prije
Edhe kur shkoje edhe kur vije
E natë e gjata sogjonte përjashta
Plotë plagë edhe hënë e ngrata
Sa një shekull dita edhe nata
Për të kaluar edhe një va
Dielli kur përvëloi
Edhe bora kur shtroi
Sa shumë bëre sa pak për veti the
Lum ne për ty
Veç trupi yt treti
Te fshati e qyteti shpirti mbeti
/www.QendraPress.com/
