E marta poetike me poeten;Valbona AHMETI
HEROI IM
( Sabit Bekë Veliu)
———————————–
Gazetar dhe aktivist gjatë Luftës Çlirimtare të Kosovës!
Ishte frutë i pjekur
Që pikonte nga trung i vjetër
Nip ballisti
Gazetar e aktivist
Shkrimtar e gjuhëbrisk
Ligjëronte me ëndje mësuesin
Gjaku i vlonte për atdhedashurinë
Shikimi i tij depërtonte përtej rrezeve të dritës
Mendjehollë që njihte mirë plagët e shqipes
Nuk do të lejojmë
Që stuhitë dhe uraganet
Gjithmonë të n’ a godasin
Këmishë e gjymtuar
s’na shkon për shtati
Shpirti i digjej si eshkë
Ëndrra për liri rrëzon çdo bjeshkë
Kryeneç qëndroi përherë
Atdheun duhet t’a mbrojmë me nder
UÇK-ja ka lidhë Besë
Pa i skuq kreshtat nuk bën kthesë
Mëngjesi i atij marsi çeli i zymtë
Barbarët i ranë në pritë
Tek pishat e Skenderajt i morën jetë
Trupi i tij tani po rrinte i shtrirë
Në ballë po i ndrinte një yll
Dukej se nga portreti i tij po buronte Dielli
e blun e syve ia kishte falë qiellit
Mbi Drenicën trime ra një hije
Hije lirie
Iu afrua vogëlushja e tij
Me zërin e brishtë!
Jam ILIRJETA!
Babi ti paske fjet
Zgjohu se bishat tani kanë ik
Hapi sytë e bukur blu
Shihe bijën tënde
Si po e hedhë hapin e parë në LIRI
Unë tani po eci pa u rrëzuar fushave të blerta
Me premtove se do të më mbash
mbi supet tua të gjëra
Kjo ishte ëndrra jote
ILIRJETA ti më pagëzove
Të lutem zgjohu
Zemrën e krahët i kam sa të një zogu
Pëllumbat në qiellin e lirë po bëjnë harqe
Lotët do t’i arratisi, babi im
Se Dardania tani është në Paqe
Heroi im!
Valbona Ahmeti
11.Nëntor 2022
/qendrapress.com/