E mërkura poetike me poeten; Elmira TAFA

E dua jetën

—————————————-

E dua jetën se mohoj

Me gëzime e hidhërime

E dua jetën t’a jetoj

Dhe pse ka shumë mundime

Dhe kur mërzitem ndonjëherë

Mos më besoni kur bërtas

Them nga dhimbja është ferr

Po në shpirt me forcë flas

Dhe kur ka dallgë erë a stuhi

Prapë shumë e dua jetën

Më besoni është mrekulli

Dhe kur përballesh me realitetin

Dua diellin rrezet kur lëshon

Rri në heshtje me veten bisedoj

E dua dhe kur shpirti rënkon

Më besoni jetën sdua t’a lëshoj

/qendrapress.com/