E mërkura poetike me poeten;Gladiola JORBUS

Endem në oqeanin e dhembjes

————————————————

Poezia ime lind në buzëqeshjen tënde.

Endem pas pikës së vetme të ujit

që ringjall shkretëtirën.

Këndoj me zogjtë e qiellit.

Vërshojnë flokët e tu të mëndafshtë

mbi ëndrrat e mia.

Endem në oqeanin e dhembjes.

Kërkoj vetëm një liman

për të strehuar zemrën time.

Më në fund…

trokas në portën e dashurisë.

Vallë do ta hapësh?!

/qendrapress.com/