E shtuna poetike me poeten ;Ajne IBERHYSAJ

DUA

————————————

Erë bjeshke të isha do të doja

Në atë qytet të zhurmshëm të vija

E t’i zgjoja ëndrrat e fjetura

Shpirti ta rigjejë vetveten.

Ky trup papërmbajtshëm luhatet

Askush veten s’mund ta njohë

Besa edhe shpesh sytë m’i përflakin udhët

Gjithë jetën mbeta, fëmijë i trazuar

Ëndrra, që më ngjajnë me klithma zogjsh

Brenda meje zjarrin,

Me gjethe vjeshte ma ndezin!

Sikur në gji ushqej, një mllef të vjetër

Sikur gjej, një shteg fjalësh

Sikur dua, ta përmbys fatin

E vetme, ta bëj udhën e pikëpjekjes

Me sy kah shpresa

Rrugët janë mbuluar me gjethe vjeshte

Që nesër ato do të bëhen ortekë bore.

Larg frymëmarrjes sime!

/www.qendrapress.com/