E shtuna poetike me poeten:Dava GJOKA

NDOSHTA DO T’U DUHESH , TI ,NJË DITË !

——————————————————–

Kalova nga ti ,sot ,shkolla ime

Portës iu afrova për të hequr mall’

Pranë më erdhën të mijat kujtime

Kur më prite në ditën e parë

Sa herë kaloj pranë teje ,kokën e kthej

Më vjen ndërmend dita kur nisa studimet

Tek ti akademia me emrin “Skënderbej “

Dhe sot për ty më flasin kujtimet

Sot të pashë, ty ,krejt të heshtur

Gjallërinë s’e kishe më si më parë

Dhe unë sot ,uniformën s’e kisha veshur

E shoh në dollap ,sa herë kam mallë

Dikur gumëzhije si bleta në koshere

Nga zërat e bukur të moshës rinore

Atdheut i dhe’ oficerë e oficere

Sot si shpërblim , harresën more

Dikur na prisje ,ti , me gëzim

E sot të pashë krejt të mërzitur

Heshtja jote më ngjalli trishtim

Sa breza përcolle e sa ke pritur

Ti na mësove artin ushtarak

Se si të mbrohemi nga çdo rrezik

Atyre që ty t’kanë hyrë në hak

Ndoshta do t’u duhesh ,ti ,një ditë

Dava Gjoka Lleshaj , Tiranë 9 Shtator 2022