E shtuna poetike me poeten:Mirishahe ELSHANI
S’KAM SY PËR TË PARË
————————————-
Diellin kur lind e perëndon
Hënën kur natën ndriçonë
Kur takohen dashurit e jetës
Lirinë mbi Odeskë
Kur mbyllen dyert e ankthit
Kur nisë pranvera e madhe e lirisë
S’kam sy as vesh të dëgjojë
Kur shuhen zërat që bërtasin
Klithma e ulurima e tokës
Që bërtet në kulm të botës
Kur vritet pafajsia
Kur nuk jetohet liria
Kur lotë e gjak është derdhur
S’do të frikësohemi kurrë
Prej mashtrimit as prej mallkimit
Se ëndrrat do t’i shohim zgjuar
Me themele gurëzuar
Me kulme mbuluar
Njëmëdyshje në kokë e kam
Me mrekullit e botës rrethuar jam
Veçse unë s’kam sy për ti parë.
Prill-2022
M. Elshani
& & & &
JAM KURORA E PIKËLLIMIT
Jam duke rrëshqitur drejt fundit
Në fund të gotës mbeta e zbrazët
Aty ku treten zanat
Në pasqyrë pa fytyrë
Jam gjysma tjetër
E ndarë nga trishtimi
Herë e gërryer nga mendimi
Herë e penduar nga mashtrimi
Edhe sa kohë për këtë tokë
Me ëndrra në kokë
Ç’ trishtim kam sot
Sytë më mbyten në lot
Këmbëkryq jam ulur
Mes kufijëve të shpirtit
Në zemër të gjithë i kam
Kosovë e Shqipëri një jam
Në vetmin e tymit
Shpresa gjallë më mbanë
Jam ëndërr e parealizuar e bashkimit
Jam kurorë në mbretërinë e pikëllimit
