Evokim kujtimesh:Burgu i Prizrenit, 24 mars 1999-nga ;Prof  Shani Hoti

Evokim kujtimesh:

                     23 vite më parë, ishin gardianët shqiptar te cilët për herë të fundit, gjatë darkës, tinëzisht nga gardianët serb, na informuan se sonte do te fillojnë bombardimet e NATO-s, mbi caqet serbe.

Ishte ndjenjë dhe emocion i veçantë, sepse besonim që ishte sinjal i ndaljes apo përfundimit të luftës dhe arritjes së lirisë së Kosovës.

Unë bashkërisht me 15 shokët e dhomës 12, filluam ta uronim njëri tjetrin. Ku nga ky moment, edhe ata pak gardian shqiptar që ishin i larguan.

Keqtrajtimi, apo maltretimi ndaj nesh filloj të rritej. Duke filluar me rrahje te njëpasnjëshme ndaj neve te burgosurit. Ku pos qe e rralluan apo zvogëluan sasinë e ushqimit, ata as edhe njëherë nuk na servonin, pa i nxjerrur disa te burgosur shqiptar ne korridor dhe duke i goditur deri sa përfundonte koha e ushqimit.

Higjiena u pakësua. Nuk na dërgonin as ne tualet, por per nevoja fiziologjike na i linin dy kofa ne dhoma, te cilët ne mëngjes dhe ne mbrëmje kur na i hapnin dyert, dikush nga neve te dhomës shkonim dhe i zbraznim, nen trysnin e goditjeve qe i bënin ndaj nesh, dhe si pasojë e bënim me radhë zbrazjen e kovave dhe furnizimin e shisheve me ujë per pije.

Me pësimin e humbjeve nga ana e UÇK-së dhe forcat ajore të NATO-s, sjelljet e dhunshme dhe agresive sa shkonin e kalonin pragun. Ku kishte edhe nga ata fardian qe futeshin me arme ne dhomat tona dhe na kërcënonin me likuidim. Ku njëri nder ta i quajtur ” Zvezdani”, me arme ne dorë na u drejtua me këto fjalë: “Juve UÇK-ja e keni kërkuar NATON dhe Ameriken, ata erdhën, por neve ju kemi vra shumicën e familjeve te juaja, e ata që kanë mbetur, po i dërgojmë në Shqipëri (neve nga dhomat e burgut i dëgjonim lëvizjet dhe zhurmat e njerëzve dhe bagëtive që lëviznin), kurse juve krejt ne fund do ju vrasim”.!

Gjatë ditëve te bombardimeve, gardianin për sigurinë e tyre fizike, natën nuk qëndronin ne objektin e burgut, por sipas zërave qe qarkullonin, ata i mbyllnin dyert dhe gjumin e bënin ne disa bodrume afer stacionit te Autobusëve.

Faleminderit shumë UÇK, faleminderit NATO. Respekt për të gjithë ata që në forma të ndryshme kontribuuan në lirinë e Kosovës. Respekt për të gjithë Luftëtarët e Lirisë, Invalidët e luftës, ish te burgosurit politik.

Lavdi për të gjithë Dëshmorët e Lirisë.!/qendrappress.com/