Fryma poetike e së dielës me poeten;-Albina TREBICKA
TRENI I JETËS…
——————————
Trishtimet e ditës në ëndrra i kthen nata
Grimcat e takimeve, nëpër gënjeshtra të bardha
Çastet e bashkimit bëhen dëshira me flatra
Me trenin e moshës bëhen hapat e ngadalta
Gjithë heshtja e shpirtit, dergjet nëpër natë
Ëndrrat kryeneçe drobiten nëpër rënkime
Pëshpëritjet e mëngjesit,tek gjethet e rëna
Flokët e vjeshtës marrin të tjera ngjyrime
Treni i jetës në ecje le shumë pendime
dhe merr me vete pengje, arritje, kujtime…
/QendraPress/
