Fryma poetike e së dielës me poeten;-Armenida QYQJA

Ajo nuk e di!

————————————-

Sahara thërret në ndihmë duhma e rërës

Sy e buzë krejt të m’i mbulojë,

Bashkë me buzëqeshjen në to vizatuar,

Që mllefin përzhitës sfidon…

Ajo s’di për oazin plot lule e zogj,

Që ti gjalluar ma mban thellë në gji

Erën thërret, ushtarët e bindur

Kokrrizat e pamëndta të rërës…

S’ia dalin dot dhe pse me miliona,

Andej nga vijnë, të mundura shkojnë,

Mjafton dhe pa zë ty të thërras,

Në kotësinë e tyre të dorëzohen…

/QendraPress/