Fryma poetike e së dieles me poeten; Armenida QYQJA

MBI ÇDO FIJE BARI-

—————————————————————————-

Vapë…Asgjë s’lëviz,

E parkuar në heshtje është dhe fryma…

Me mijëra mendimet të rëna

Nga supet e kohës në prehërin e përtesës,

Më shohin me sy të zbrazta…

S’kam kohë për to…

Në ndjekje jam, të vetvetes që rend

Atje në kopësht, mbi çdo fije bari,

Tabllonë statike ta zgjojë…

A mjaftoj unë i dashur,

Botën tënde ta bëj të frymojë?

/QendraPress/