Fryma poetike e së dielës me poeten;-Barie ÇUPI
Ditënisja
————————–
Në mëngjes herët,një shëtitje doja të bëja,
jashtë ishte ftohtë e prap binte shi,
një ethe e mishtë m’i ndali hapat,
të shtëtis ku,me veten pak të rri.
Gjithçka lëvizte,pëshpëriste papushim,
siç bën era kur fryn,e vetes i bërtet,
po mbledh në strofa,ca grimca fjalësh,
më vijnë të jermta e qartësohen mbi fletë.
Në to shumë avuj e dihatje të ngurtësuara,
e mjegullt koha,për ta shtyrë në pafund,
gjymtyrësh të një stine,vetëtijnë sa jetë,
ç’monolog i vobektë,ditënisjen po ma mund.
