Fryma poetike e së dielës me poeten ;- Blerina Çifliku BEHARI

TAVERNA E ODËS

____________________________

Oborri gumëzhinte nga cicërimat

varur mbi degët e manave.

Tingujt shkrirë me ngjyrat na përshëndesnin,

valëvitur mbi sytë tanë të qeshur.

Mbrëmjeve taverna e odës,

qeshte me fjalë dashurie.

E zemrat gufonin nga lumturia e pamasë.

Rrezet e para na sillnin mëngjesin

me duart e arta te zotit.

Nën kaltërsinë e qiellit

fluturonin ëndrrat tona në mesditën e vonuar.

Sërish binte mbrëmja

si një shportë që mbledh gëzimin e ditës,

e shpresën e vetme

fshehur nën magjinë e fjalëve te pathëna.

Një bulkth diku këndonte

me ne…

/www.qendrapress.com/