Fryma poetike e së dielës me  poeten;-Bukurie BUÇPAPAJ

MALL I PRUSHUAR

———————————-

Aromën e atdheut ,

Shpirti,çmendurisht ,nuhat,

Më merr malli,

oh, si digjem për Shqipërinë!

Një dashuri, që kurrë s’ka kut ta mat,

S’më lë as këtu në të ëmblën, Dardaninë.

Bimëzemrën e saj ,Kosovën e lashtë,

si vërtitem vargut, si rrufeja në qiell,

ky vargkrisuri më ngacmon shpirtin të flasë,

Kjo oshtimë shpirti mallin ma ndjell,

Aqsa drithëron dhe të ftohtin në diell…

Një diell prillian i akull si vetë vdekja,

Mbase dhe koha ftohtësinë e ndien …

“Sa rëndë malli peshuaka!” shprehet heshtja…

“Bijëza jote, jam e tillë, mbeta,

Paçka se jetoj vitesh larg teje…

Mallin rrugëve lotshëm treta,

Dashnia për ty më gulfon

rrëmbyeshëm ndër vena.

Vjen furrishëm oshtima

e bjeshkëve të Tropojës,

ku linda e klitha ,

Era e dallgëve detare më deh sërish,

Tiranës metropol, ku rininë “prita”,

Ndaj idile poemash , vargje meteori nis.

Mos më thoni se ,

qenka çmendur kjo çikë malësie,

Se në krijimet e mia këngërova mall Shqipnie,

Dhe dhashë kushtruese mesazhe lirie….

/QendraPress/