Fryma poetike e së dielës me poeten;-Fatmire BERISHA

VETJA IME FALMA

————————————

Më fal, të lutem me mijëra herë

Dola kundër teje, të lëndova

Po mbroja të tjerët, pa e kuptuar

Se ty të shkatërrova, e di gabova

Sa herë të shtypa dhe të lëndova

Kurrë nuk të pyeta, a je mirë

Sa herë më përgojuan

Të ngulfata si me zinxhirë

Kohën ia kushtova atyre

E ty vetja ime

Të murosa mes muresh të larta

Si kala e pa thyeshme

Po ç’fitova në fund

Një boshllëk

Mungesë respekti

Nga ata që ti i quaje miq

Dhe tani ç’kam marrë

Një forcë më shumë

Të luftoj për ty vetja ime

Të mos vrapoj më pas llumëve

Sytë e mi u hapën

Dhe pashë dritë përsëri

/QendraPress/