Fryma poetike e së dielës me poeten;- Gjelina Maçi KEÇI

SA TË DUA NUK MUND TË TË THEM

—————————————————-

Veç pak të më largohesh,

Agu nuk lind si më parë .

Duket sikur zotat e mi koten,

Sikur fryma në dysh më është ndarë.

Pranverë ke mbirë, dimrave të mi,

Dhe unë për ty ribëra shpirtin tim të ri.

Ëndrrat mbathur me diell e veshë m’i ke n’flori,

Sytë e tu, gjithësia dritë për sytë e mi!

Se sa të dua, nuk mund ta them,

Përpiqem, por e pamundur për ta përshkruar.

Tërë pasurinë e botës, në dorë ta kem ,

Me dashurinë tënde kurrë s’e kisha ndërruar.

Ndaj, kuptomë, kur jam larg me ty ,

Nuk shkon dita, ajo digjet si në një zgarë .

Shpirti larg teje unshëm, gjithnjë, dashuri

Dashuri si kjo e jona, që kurrë nuk është parë

/QendraPress/