Fryma poetike e së dielës me poeten: Ibadete S.LIVEREKA

Do të takoj vetëm në kujtime

—————————————–

Do të shëtis lagjes ku shëtisje i ngazëllyer

megjithëse do të të takoj vetëm në kujtime

në buzëqeshje njerëzish do të shtroj kërkimin

por e di se do të gjej veç në fytyrën time.

E di se fjala e pathënë ishte emri im

dhe ty ende nuk t’u shua zjarri i zemrës

në përflakje udhëton si dashuri me shpirtin

herë pushon në gjol loti të syrit pa bebëz.

Të zbrazëta janë udhët, me ty erdhën të gjithë

në kurora pemësh m’i kthen veç shikimi

si shpirti që të drejtën e vulosë me zemrën

bartesh gjethe në erë pushton si ngushëllimi.

/www.QendraPress.com/