Fryma poetike e së dielës me poeten;-Katerina BARBIERI

Prag-vjeshtë

————————

Mahnitur nga koha dhe ngjyrat e vjeshtës

që me penelin e florinjtë,shpirtin m’pikturon,

dy mollëza rozë si lulet e pjeshkës,

dhe qiellin me harqe ylberesh frymon

Ndaj gushti dehet nga mjalti i stinës,

dhe puthjet vërshon mbi gjethen e artë,

si vals i ndezur në tingujt e violinës,

prag-vjeshte e zbehtë,mbi gjoksin e zjarrtë

Çdo gjethe që bie ësht flutur dashurije,

që struket e brishtë nën flladin plot ethe,

dremitjes gushtit me psherëtimë nostalgjie,

pëlhurë e kuqrremtë e ndarë në rrethe

Prag-vjeshte e trazuar me çapin-tërkuzë,

flirton si një pupël e lehtë nëpër muzg,

Dhe zogjtë braktisin folenë në tufë,

me mallin gjerdan mbi sy e mbi gushë!

/QendraPress/