Fryma poetike e së dielës me poeten: Lela  QEJVANI

MOS MA PREK SHUSHICËN

————————————–

Mos ma prek Shushicën,

se ulën kokën malet,

qajnë me lot e derte ,

se thahen livadhet .

Mos ma prek Shushicën,

se ngordh çdo gjë e gjallë ,

do mbetet në legjendë si lumi i tharë .

Mos ma prek Shushicën,

se në të marrë frymë ,

kur lagem në ujë dhe prehem në lëndinë,

ku nuhas rigonin të verdhën trëndelinë.

Mos ma prek Shushicën se do kesh pengesë,

atje dua të prehem edhe kur të vdes ,

të më përkëdhel flladi i mëngjesit dhe e buta vesë .

Prandaj të lutem shumë,

nëse ke pak besë ,

mos ma prek Shushicën se për të unë vdes!

/www.QendraPress.com/