Fryma poetike e së dielës me poeten;-Lida BASHLLARI

SA GABIME

———————–

Sa gabime kemi bërë

Rrugës të kësaj jete.

Tashmë qëndrojmë të zemëruar,

Dhe mendje më vete.

Nuk pranojmë të ulim hundë.

Faji është jetim.

Nëpër dhëmbë përtypim fjalën

“Veç ti je gabim”.

Ego thellë po na mbyt shpirtin,

Harrojmë ç’kemi qenë.

Dhe po mbajmë atë qëndrim,

Kot sa për ta thënë.

Sa kohë do të rrimë kështu,

Si dy të parritur.

Do t’na i ngrijë akulli i ndarjes,

Zemrat duke pritur.

/QendraPress/