Fryma poetike e së dielës me poeten:-Mercedes GEGA

E pranoj

——————————

Unë jam e zakonshme.

Një shpirt i thjeshtë.

Një grua që dua të dashuroj çdo ditë.

Lule që rritet vetëm në diell.

E pranoj

Jam e rëndomtë dhe pak prozaike

Ndër ato që shpirtin bëjnë varkë dhe mbërrijnë pafundësitë

Vetëm për dy gramë dashuri.

Vëmendja më rri ngushtë me hapin e shkujdesur

Ndaj shpesh mbaj veshur këpucë të tejdukshme ere.

Ndodh shpesh të flas me heshtje

Mungesa ose poezi

Jam vetëm një grua dherash të përzierë

Lindur në vitin e brishtë:

Dashuri.

/QendraPress