Fryma poetike e së dielës me poeten;- Remzie Raci REXHBOGAJ
MOS M`I TRAZONI SHKRONJAT
———————————————–
– Se në rrezet e diellit aty Erna më je Ti!
Ju lutem
Mos m`i trazoni dhembjet
Lerëni të lejnë brenda
Në plagë
Se kur i thuri vargjet e dhembjes
Vulën e mjerimit ia vëj kapak
Udhëtoj shkronjave
Dhe vargun e qëndisi për Ty
Në shtratin e ëndrrave i përkundi
Se në rrezet e diellit
Aty Erna më je Ti
Ju lutem
Mos m`i ngatërroni kujtimet
Lerëni ashtu siç kanë qenë
Mërzia sa vjen e më shtohet
E zemra nga dhembja fort po me dhemb
Do derdhi mallin në letër
Se shpirtin si shigjetë po ma godet
Loti rrjedh pa u ndalë
Dhe syrin po ma vret
Shpalos muzën nga lapsi
Rrjedh vetëm loti
Ofshan shpirti sa më s`ka
Dhe këtë ofshamë
Ma dëgjon vetëm Zoti.
/QendraPress/