Fryma poetike e së dielës me poeten;-Sadete HISENI

Nanë

———————-

Prilli i’a behu

E unë n’andërr të pashë

Me një grusht fara n’dorë

Me kokën përdhe, shenjat tu i vijëzue

Kjo është e vjemja

Kjo është e kuqja

kjo është e bardha

Të pashë Nanë

Tu e mihë një lehë qepe

E të ndjeva tu m’thanë

Nuk bahet qepa të njajtin vend dy herë

Në dheun e vjetër ku nuk ka më vlerë

Po Prilli paska ardhë

Po më duket se at ditë kur ike

Shkove bashkë me një grusht farë

Të bardhë

Të pashë Nanë

Krejt për hatër tem

Prilli paska dalë

Pasi ndodhem dhenave të huaja

E s’po mundem me ardhë

Me t’a ujdisë lehtë, kadal -dalë

Veç një lule t’gjallë

Huanë që dikur prilli t’a kishë marrë

Hiq s’paska harru

E me farën e bardhë

Varrin t’a paska hijeshu

Kurse mua

Eh mua

Mua ma hijeshoi veç andrrën

Prill 25

/QendraPress/