Fryma poetike e së dielës me poeten;- Ymrije BEQIRI

ME VARGUN NUK BËJ KOMPROMIS

———————————————-

Me vargun s’luaj, s’e lyej me grim

As s’e fsheh në rreshta për sy të botës.

Ai vjen nga thellësia si vetë ujvara

Ku zbarkon fjala, me plagët e kohës.

Nuk e lidh vargun me zinxhirë mode

As se shes për duartrokitje të shpejta

Po të mos djegë fjalën kur shkruhet

S’vlen as gjysmë tingulli, s’është më letër

Nuk bëj kompromis me ndjenjën e lirë

Kur zemra flet, pena s’mund të gënjejë

Më mirë të jem zë në stuhi që trondit

Se sa jehonë e zbrazët që heshtur rrij

Nuk më tremb as censura, as urdhri i turmës

Vargu im s’rreshtohet për çmim a lavdi

Ai është frymë, frymë që s’e shkel këmbë njeriu,

E as s’e ndal frika kurr s’ka kufi.

/QendraPress/