Fryma poetike e së dielës me poeten;-Zize Liza PEPSHI
Mos ia vëni drynin shtëpisë
(Këngë kurbeti)
———————————
Ka dalë baba në prag të derës
po i fshinë lotët me dhembjen e zemrës
Mos ik more bir
Mos shko n’at kurbet të zi
Ka dalë nana në derë të sokakut
po i fshinë lotët me mallin e djalit
Mos na lë more bir
Mos ik n’at kurbet të zi
Ka dalë baba të bregu i drinit
Po i fshinë lotët me dhembjen e shpirtit
Mos na lë moj bijë
Mos shko n’at gyrbet të zi
Ka shku nana me shtru shtratin
Mbi çarçaf don me i plasë barku
K’thehuni bir e bijë
Mos ja vëni drynin shtëpisë…
