Fryma poetike  e së dielës me poeten;Drita Rubjeka ZENELI

Uverturë

——————————-

Duke kërkuar një uverturë,

U ula në një fillesë agditësh,

Në relievin e lëndinës peizazh,

Në substancën e klorofiltë diellore,

Një libër të hapur gjeta,

Lënë nga poeti,

Dhuruar piktorit si muzë,

Me fletë si cipa e venave të jetës,

Mbështetur në gurë,

Skalitur në ngjyra alpesh,

Mbuluar me qiell,

Panoramë e paqtë,

Si portret i kohës,

E gurgullimë psherëtimash,

Kur ngjyrat zbehen,

Duke kërkuar një uverturë,

U shfaq një opera me të gjitha aktet,

Si rrjedhë pas uverturës,

Në kapituj si vazhdë përjetësie,

Duke kërkuar një uverturë,

Të kornizova ty, njeri,

Plotfuqia e tokës….

/QendraPress/