Fryma poetike e së dielës me poetin:-Gazmend BEQAJ
Poezi për ty
———————-
Mu atëherë kur
verdhësia e gjetheve vjeshtake
kishte pushtuar shpirtin tim
ti me një fjalë
sa njëmijë dollarë
shpupurite hirin
e ndijesive të çmendura
ndër vite të fjetura
në monotoninë e përditshmërisë sime
Me një fjalë me një shikim
si miklim
trazove fluturat krahëshkruar
të frymëzimit tim
në qiellin e iluzioneve të mia
duke i bartur në letër
ëndrrat që më mbanin zgjuar
në këto vargje plot ndijesi
për ty
/QendraPress/
