Fryma poetike e së dielës me poetin;-Gëzim AJGERAJ

ANALISTËT NË KORNIZË

Në kornizat e bollshme

të broçkullave

dita qel e verdhë orë e çast

në atdheun tim

(lista e analistëve të përrallave të çarshisë,

ta humb udhën edhe në oborr)

mos pordht kush

në Prishtinë a Tiranë

në kafenenë e ç’thurur të pazarit

me kokrra të thyera fjalësh

ngrisin piramidën e përrallës

e mbrëmjeve na e servojnë

në kornizën e përçarjeve

si helm i natës

atdheun e shesin orê e çast

për nevojat e xhepit

dhe për pjatën e vjetër

që e lëpijnë diku larg

tek bodrumet e amanetit

të baballarëve

i strukin nostalgjitë

medet atdhe

… se kush hip e zbret

mbi diellin tendë

të zbehtë

/www.qendrapress.com/