Fryma poetike e së dielës me poetin;-Murtez ASLLANI

LETËR NËNËS

—————————

Një letër e shkruar

me shumë lot e mall

për nënën time

jetën që m’ka fal.

Për çdo skutë

malli më përvëlon

për kroin e bukur,

që n’fshat gurgullon.

Për gurët e vendlindjes

malli m’ka marrë mua,

më besoni,oj nënë

shumë jam përmalluar!

Me lot në sy

dhe mall të zhuritur

mëzi po e pres ditën

n’Kosovë për t’arritur.

Djersën po e derdhi

në vend të huaj punoj,

sa mirë do të ishte

në Kosovë të jetoj!

Dielli kur rrëzon

mua më kujtohen,

fushat e vendlindjes

ku atje punohet.

Dasmat dhe ahengjet

gjithmonë i kujtoj

që nuk jam atje

me ju të festoj.

/QendraPress/