Fryma poetike e së dielës me poetin;-Qazim THAÇI

Takim me Heroinat e Atdheut

—————————————–

Sonte, sy me sy u takova me heroinat e atdheut

E shumë dialoguam se kush po na vretë krenarinë?

I thash,koha ka ndryshuar, por,

edhe harresa na ka vra

Amaneti juaj do të rikujtohet

derisa hënës besë i keni dhënë

E emrat e juaj i përtrijmë.

Kujtesa më iku te secila një nga një….

Ende hija jote në Arbaninë e Vogël,

rri e gjallë

E frymon me shpirtin- Atdhe –

Shote Galica me plis

Me armë në brez e me amanetin për Arbëri

Nga Shullazi i Milotit shëron plagët e luftës

Në Derven të Fushë-Krujës,mbanë frymën e tre

Jetimëve të  bashkëluftëtarëve

Si amanet për liri.

E si ta mbajmë fjalën tënde e

Madhja e Radishevës

Kur,shpirtin në çdo formë po na bëjnë

Copë e grimë  me lloj -lloj ‘’marifetesh’’

Që t’a harrojmë krenarinë e të bëhemi

Si ato gratë e botës që kishin tjetër histori.

Ika nëpër histori tek mbretresha Teutë

E te Bubulina trime për ta ardhur te

Ylfetja me flamur dhe heroina

Yllka Domi që s’deshi permendore

Prapë e pash Shote Galicën me plis

E armë në brez si e ruante krenarinë.

/QendraPress/