Fryma poetike e së dielës me poetin:-Qemal MEHMETI

SHTRËNGATA E EGOS

———————————

Zëri që nga zemra buron

arrin në çdo pikë të gjithësisë,

është kundërhelm që plagët shëron,

burim i pashterrshëm i dashurisë.

Por egoja shpesh nuk njeh kufi,

helmin e vet rrotull e spërkat,

harron që shpirti kërkon butësi,

do valë të qeta – jo shtrëngatë.

Kur egoja syrin ta mjegullon,

dhe rrugën e zemrës nuk e ndjek,

nuk e kupton më se ç’është hiqi,

fundin e botës edhe po ta prek.

Vështirë ta njohësh ç’është diçka,

larg kur mbetet ndriçimi i së vërtetës,

derisa në jetë nuk e ke ndjek

rrugën e duhur drejt vetvetes.

/QendraPress/