Fryma poetike e së dielës me poetin:- Refki RESHITAJ
MOS E QAJ NËNËLOKE DJALIN
—————————————-
Mos e qaj Nënëloke djalin,
Mos qaj trimin luftëtarin.
Se ai ra në fushë t’ mejdanit,
Duke i dalur zot vatanit.
Jo, s’po e qaj,nuk jam nënëshkreta.
Për këtë ditë përkunda djepa.
Veç një brengë n’zemër e kam,
Që s’kam djemë tjerë me iu dhanë.
Jo,nënëloke,thanë luftëtarët,
Djemë për ty janë t’gjithë shqiptarët.
Të gjithë ata që sot u vranë,
Tërë Kosovën Nënë e kanë !
Të gjithë ata që duan lirinë,
I kanë nënat n’mbarë Shqiptarinë.
E sheh sot sa shumë t’kem ardhë,
Për djalë Tuajin jem krenarë !
U ndal nëna nga këto fjalë,
lu ngri loti në qepallë.
– Lamtumirë, o bir i lokës,
T’ qoftë i lehtë dheu i Kosovës !
