Fryma poetike e së dielës me poetin:-Rexhep F.MORINA

DEMONI

———————

Misterioz në errësirë qëndron i mbuluar,

Si krijesë trishtuese me sytë zgurdulluar.

Kur agsholi i dritës nis vendin të zbardhë,

Në vallen dinake ai, hedh hapat me radhë.

Del muzgut të mbrëmjes, sjell mynxyrën,

Murana gurësh t’i vë rrugës, e ka detyrën.

Ku gjen fuqinë vallë, kush i jep mandatin,

Kukudhit vëngërosh, njeriut t’ia fali lakun.

Dikujt shpirtin i robëron, që peng ta mbaj,

Skëterrë t’ia bën jetën, dhe ta lë pa uzdajë.

Tërësisht në fshehtësi, e kryen një mision,

Qenia enigmë tinëzare, me emrin demon! /QendraPress