Fryma poetike e së dielës me poetin;-Rexhep F. MORINA

BIRI BASTARD

———————-

Shtytje i dha koha,kishte vrull rinor,

Masa e pranoi,ish në dukje parimor.

Të ndërroj mendësinë,parimin çelik,

Kështu tha,do bëhet e reja republikë.

Vërshonte në rrugë,donte përparime,

Orientonte masën,duke bërë ndikime.

Fjalët boshe jehonin,pa presje e pikë,

Kështu tha,do bëhet e jona republikë.

Ndryshoi gjendjen,në njerëz e vlera,

Ardhja ish e re,me tuhafë dhe plehra.

Vepron me trurin,pa studim e kritikë,

Vallë!Si do ta bëjë ky,këtë republikë?

Zhvlerësoi arritjet,gjakun e përdhosi,

Me kuislingë të rinj epokën e vulosi.

Suita e tij mbretërore,rriti veç frikën,

Biri bastard,se bëri kurrë republikën.

/QendraPress/