Fryma poetike  e së dielës me poetin;-Rexhep F. MORINA

MISIONARËT E FSHEHTË

————————————

Harbutët e botës sekrete, në terr veprojnë,

Nën maska të tmerrshme, skutat gjurmojnë.

Grupe njerëzish vënë, në nishane vëzhgimi,

Me finesa nxitin kudo, momente polarizimi.

Kollaret në qafë, dhe çantat prej diplomati,

I ngjiten trenit e aeroplanit, si një monopati.

Shëmtirat e fshehta, me detyra monstruoze,

Kollofisin si hurmat, vlerat e larta dinjitoze.

Hedhin hapa enigmatik nëpër vite me radhë,

Shkelin mbi koka, si maleve borën e bardhë.

Si kuaj të karrocës, ngarkojnë disa me barrë,

Ata që nuk kanë tru fare, i përcjellin në varr.

Mbi kurrizin e të mjerëve, tërë jetën zhvatin,

Në gjendje kaosi të tillët, dyfishojnë vet fatin,

Këpusin jetë njerëzish,me metoda vandaliste,

Misionarët makut,që kanë lakmi egocentriste.

/QendraPress/