Fryma poetike e së dielës me poetin;-Skender BERISHA

REÇAK REÇAK

—————————–

Ti Reçak kurrë thatë

Përherë shumë

Lumë që rrjedh rrëmisht

Dhimbja ime krenare

Pushkë e ruajtur ndër kohë

Nëpër rrëke gjaku

Këtu jam gjithnjë më the

Për këtë dhe dhe…

Pak bukë edhe ujë

Edhe borë për ujë

Dushku fëshfërin

Nëpër suferinë

Në vatër zjarr

Në zemër zjarr i ndryrë

Nuk jam i vogël ehu

Jam zemër At-Dheu

Tmerr me sy pashë gjithnjë

Nëpër terr e tmerr

Rrita fëmijë

E fëmijë

Dimrit hijet e zeza mësynë

Dhe më vranë

Më grinë

Më grinë

Shprusha nëpër hirin tim

Të ashtit tim

Një rresht m’u prish

Thirra rreshtin e dytë

Pashë bijtë e mi

Me hijet fyt për fyt

Një ditë e ditë për ditë

Krejt emër e zemër liri

Edhe kur m’i vranë

Edhe kur m’i shtrinë

Tek ai përrua tek ai mur

Plagët shpalosën flamur

Nëpër ty Reçaku im plak

Sa shumë gjak

Ti Reçaku im i ri

Ti thirrja ime e thekshme

Për Liri

Liri

/QendraPress/