Fryma poetike e së dielës me poetin;Faruk TASHOLLI

BALADË PËR 1432 ZËRA

————————————-

1432 zëra nuk dëgjohen më

As shtatët e tyre nuk rritën kurrë

Ata kanë vetëm një emër që kumbon trishtë

Fëmijë e vrarë në Luftën e Kosovës

Janë 1432 zëra të shuar që vijnë e qajnë natën

Nën sytë e shterur të nënave

Derisa struken fëmijërisht

Në shkretëtirat e gjinjve të djegur

Cili u qëllua me plumb cili u shkel nga tanku

Cili u dogj në turrë të druve

Duke nxjerrë për flake klithmën e fundit

Për ta shpuar qiellin

Ata vijnë e qajnë në pellgun e kujtimeve

Tërë natën e lume qajnë e nuk prajnë

Dhe ikin pa ëndrra nën rrezen e parë të diellit

Të vetmit fëmijë të shndërruar në hije

Në lule në engjëj të padukshëm

Fëmijët e vrarë në Luftën e Kosovës

/www.QendraPress.com/