Fryma poetike e së dielës me poetin;Gëzim AJGERAJ
VJESHTË E PARAKOHSHME
——————————
Vjeshta po zbret
E zbehtë mbi qiellin e Alpeve
Bora e parakohshme
Ka filluar t’i mbulojë kokat e mallit
Mosha e udhëve
Po plaket arratisë
Stina i bën roje udhëve
E zbehet gjithçka para kohe
Frytet e mallit
Pikojnë një nga një si gjethet nga pemët
E përplot dhembje
Shtrohen mbi tepihun e mallit
Nga duhet të kalojë dhembja
Sa parakohe
Bora ka zbritur mbi kokat në Alpe
Ka filluar
T’i mërdhijë kujtimet mallit
E shpresës së kthimeve
Ia ka gdhendur emrin mbi gurë
/www.QendraPress.com/