Fryma poetike e së dielës me poetin:Hamit TAKA

MENGJES NE SHTEPI

—————————–

Një mëngjes i vetëm pa mendime…

Tej dritares ç’më lëkundet plepi.

Kjo dhomë e ngrohtë e kaq intime

Më nanuris me këngë djepi;

Mbi luginë borë, mjegull e kaltër,

Kreshtat lëpinë me gjuhë agimi,

Nëna trazon prushin në vatër

Ku bubullon një flakë trishtimi;

Më iku dhe kjo natë dimërore

Dhe drita vërshon e qetë në konak;

Ç’më kujtohen kokoshkat gazmore

Si kërcenin mbrëmë në oxhak;

Thinjat e nënës ujëvarë besimi,

Me reflekse brengash si shenjtore,

Dhembja e qetë si lule kujtimi

Më kthen prapë në vitet foshnjore…

/www.QendraPress.com/