Fryma poetike e së dielës me poetin;Hazir LUTA

PA TY S’PAJTOHEM ME BOTËN

———————————————

Nata m’i puth mendimet

I heshtur i shpeshtoj lutjet

Pa dashuri

Nuk rriten as lulet

Shpesh rrimë zgjuar

Unë dhe hëna deri vonë

Dikur kur gjumi më tradhton

Hëna s’e di në ç’orë perëndon

Dita ma zë frymën

Drita m’i verbon sytë

Nuk janë ditët njësoj…

Malli rrugëve të qytetit më mbyt

Grua

Si do të jetoja pa ty

Si do të jetoje

Pa mua

Kur jemi bashkë

Dy gjysma zemrash e bëjnë të plotën

Kur s’të kam ty

Nuk pajtohem me tërë botën

/www.QendraPress.com/