Fryma poetike e së martës me poetin;-Maxhun OSMANAJ

KY SHI

———————-

Si nuk foli ky shi i sotëm

çele gur gojën…

për ndonjë dhimbje a ndonjë gëzim,

kurrë mos të bjerë

në pikëllimin tonë

se ndjenjat ndrydhkan afshin e etjes

në çastin e dasmës shpirtërore

atëherë stinët tona lë të kërkojnë sytha pranverorë

pema jonë e rritës , të mbajë ndonjë frut

ne ende mbështillemi me pelerinën e bukur

ngjyrat e kohës ende i dhurojnë

diçka të bukur pikturës autobiografike

ndoshta retë e ngrysura do të na pyesin

ç’peisazh dëshirojmë në këtë moshë

ti zonjë, më fto n’udhëtim me trenin e shpejtë të kujtimeve

ndalu në stacionin e takimit të parë

ditët, vitët, le të jenë si bashkudhëtarë

të na shikojnë të dehur me mall…

Istog, më 14.11. 2022

/www.QendraPress.com/