Fryma poetike e së mërkurës me poeten;-Arbana ARBA

Një zemër

—————————

Në zemrën tënde ndodhet lëndina.

Në atë lëndinë ka çel dhe lulëkuqja.

Mbi ato lule rreh krahët e shkruar

në brishtesinë e saj ,flatrat e një fluture

Në zemrën tënde lundron deti.

Një det blu me limane shumë

Ne njërin prej tyre,ankoruar përkundet

Me velë të bardhë,një varkëz e drunjtë .

Në zemrën tënde shkrihet qielli,

Një qiell trazuar me re shtëllungore

Me yje ,kometa,meteorë të çuditshëm,

E Hëna sqimatare zbukurohet në kapriço.

/QendraPress/