Fryma poetike  e së mërkurës me poeten:-Armenida QYQJA

FAT-THANAT E FATIT TIM

————————————–

Emrin tënd thërrasin gjethet,

Një zëri, gjer në frymën e fundit,

“Rri e qetë” m’i thonë zemrës

Fat-thanat e mia të moçme…

Urtohet pritja, psherëtimat shuan,

Butë dhe ëmbël, si të ishin fëmijë,

Dritën u vesh sërisht me gaz syve,

Shijen e puthjeve, buzëve…

Nga çerdhja e tij ngrihet një zog,

Krahët tret përtej reve, drejt teje,

Ty të të rrëfejë tërë çfarë thanë,

Fat-thanat e mia të moçme…

/QendraPress/