Fryma poetike e së mërkurës me poeten;-Brixhilda DEDE
NJË GRUA E BESËS
————————————-
Nëse ke njohur një grua me besë,
ajo është një trëndafil petalobutë e aromëthellë.
Pigmenti i saj, si aromat në ato shishet e vogla,
mbetet përjetësisht gjallë.
Një grua e besës është trëndafil me gjëmbë,
Për ata që në njëmijë copra duan
ta ndajnë e ta shkelin me këmbë.
Ajo e thjeshta e freskëta që butësisht
vjen e largohet pa ndjerë.
Ajo preferon vetmi, qetësi shpirtërore
kur rrugët mbyten në helm e vrerë.
Në hije të saj mos u step të qëndrosh,
Bëhet më e mahnitshme se errësirës
kur ngjyrë tjetër merr.
Ajo nuk pranon dashuri të rreme.
Për atë që do,..
është bekim, perëndi, magji,..
Dhe në brendësi, ..seç di e fsheh një sekret!
/QendraPress/
